“Real”ın yeni transferi ümidləri doğrultmur

“Real”ın yeni transferi Trent Aleksander-Arnold hücum bacarığı ilə tanınsa da, müdafiə qabiliyyəti o qədər də yaxşı deyil.

Komanda.az “Diario Que”-yə istinadən xəbər verir ki, iyunda “Liverpul”dan transfer olunan ingiltərəli futbolçu “Real”da ümidləri doğrultmur. Madridlilərin məşqçilər heyəti 26 yaşlı oyunçunun təkbətək müdafiədə inamsız çıxışından narahatdır. O, Klublararası dünya çempionatında 5 oyunda iştirak edərək, 2 məhsuldar ötürmə ilə yadda qalıb.

“Liverpul” akademiyasının yetirməsinin “kral klubu”na keçidi cəmi 10 milyon avroya başa gəlib, çünki onun “qırmızılar”la müqaviləsinin müddəti iyunun sonunda başa çatacaqdı.