“Real”ın yay transfer hədəfi məlum olub

“Real” artıq gələn yay həyata keçirəcəyi transferləri planlaşdırır.

Komanda.az “Fichajes”-ə istinadən xəbər verir ki, “kral klubu” iki mövqeyi gücləndirməyə üstünlük verir. Söhbət müdafiənin sağ cinahından və yarımmüdafiənin mərkəzindən gedir.

“Liverpul”la müqaviləsini yeniləməsə, azad agentə çevriləcək Trent Aleksander-Arnold müdafiə xətti üçün ideal namizəd hesab olunur.

“Real” yarımmüdafiədə karyerasını başa vuran Toni Kroosu əvəz edə biləcək futbolçu axtarır. İndi La Liqa klubu iki yarımmüdafiəçini – Martin Subimendi (“Real Sosyedad”) və Vitinyanı (PSJ) nəzərdən keçirir.