“Real”ın yarımmüdafiəçisi zədələnib

“Real”ın yarımmüdafiəçisi Eduardo Kamavinqa dizindən zədə alıb.

Komanda.az xarici KİV-ə istinadən xəbər verir ki, 21 yaşlı futbolçu Fransa millisinin məşqində Osman Dembele ilə toqquşub. Bundan sonra futbolçu qazonda uzanıb və tezliklə meydanı tərk edib.

Onun zədəsinin dizində olduğu və sağalmasının altı həftə çəkə biləcəyi bildirilir.

Kamavinqa Madridə gedəcək və əlavə müayinələrdən keçəcək.

Yarımmüdafiəçi bu mövsüm 17 oyun keçirib və 1 məhsuldar ötürmə edib.