“Messinin qalması ideal olar, lakin nə istəyirsə, onu da etməkdə sərbəstdir”

“Real”ın sabiq baş məşqçisi Visente del Boske açıqlama verib.

Komanda.az xarici mətbuata istinadən xəbər verir ki, ispan mütəxəssis, son zamanlarda “Barselona”dan ayrılacağı iddia olunan Lionel Messi ilə bağlı danışıb:

“Özümü həyatımın 36 ilini verdiyim “Real”a aid hiss edirəm. Lakin kimisə komandadan ayrılacaq deyə, günahlandıra bilmərəm. Yaxşı peşəkar olmaq üçün formasını geyindiyin klubun dəyərlərini qorumalı, bu komandanın uğurları üçün mübarizə aparmalısan.

Messi futbol tarixinin ən yaxşısı olduğunu “Barselona” üçün etdikləri ilə göstərdi. Messinin qalması ideal olar, lakin nə istəyirsə, onu da etməkdə sərbəstdir”.

Del Boske 1999-2003-cü illər aralığında “Real”da baş məşqçilik edib.