“Real”ın müəyyən marağı var, amma…” – “Ayaks”ın futbolçusu

İspaniyanın “Real” klubunun maraq dairəsində olduğu deyilən “Ayaks”ın futbolçusu Donni van de Bek məsələylə bağlı açıqlama verib.

Komanda.az İspaniya mətbuatına istinadən xəbər verir ki, 22 yaşlı futbolçu, “kral klubu”nun onunla maraqlandığını təsdiq edib:

“Bu barədə söhbətləri bilirəm və bunları eşitmək xoşdur. Mətbuatda yeni xəbərlər olsa da, vəziyyət hələ də eynidir. “Real”ın müəyyən marağı var, amma insanlar sadəcə nəticə çıxarmağa meyillidirlər. Yazılan xəbərlərə inanmaq lazım deyil. Hazırda “Ayaks”a köklənmişəm”.

Hollandiyalı futbolçu son mövsümdə iştirak etdiyi 57 oyunda 17 qol, 13 məhsuldar ötürmə ilə yadda qalıb.