“Real”ın müdafiəçisi əməliyyat olunub

“Real”ın müdafiəçisi Dani Karvahal dizindən əməliyyat olunub.

Komanda.az “kral klubu”nun mətbuat xidmətinə istinadən xəbər verir ki, “Barselona” ilə oyunun (2:1) ardından ispaniyalı futbolçunun sağ ayağının diz oynağında problem aşkarlanıb.

Karvahal bu gün uğurlu artroskopik əməliyyat keçirib və yaxın günlərdə bərpa prosesinə başlayacaq.

33 yaşlı futbolçunun 2–3 ay müddətinə yaşıl meydanlardan uzaq qala biləcəyi vurğulanır.