“Real”ın keçmiş futbolçusu İspaniyaya gedib – Müqavilə üçün

“Real”ın keçmiş yarımmüdafiəçisi Xames Rodriqes İspaniya çempionatına qayıtmağa yaxındır.

Komanda.az “Marca”-ya istinadən xəbər verir ki, kolumbiyalı futbolçu “Rayo Valyekano” ilə anlaşmaq üçün Madridə gəlib.

33 yaşlı yarımmüdafiəçinin son iş yeri Braziliyanın “San Paulo” klubu olub. O, hazırda azad agentdir.

Rodiqes bu yaxınlarda keçirilən 2024-cü il Amerika kubokunda yaxşı çıxış edərək turnirin ən yaxşı futbolçusu seçilib.

“Rayo Valyekano” İspaniya çempionatının 2-ci turunda səfərdə “Xetafe” ilə qarşılaşacaq.