“Real”ın istədiyi futbolçu “Barselona”nın hədəfində

“Mançester Yunayted”in futbolçusu “Barselona”nın maraq dairəsindədir.

Komanda.az “Mundo Deportivo”ya istinadən xəbər verir ki, Kataloniya klubu “Real”ın da maraq dairəsində olan Markus Reşfordun adını transfer siyahısına əlavə edib.

İngiltərəli forvardın Joze Mourinyonun rəhbərliyi altında oynayarkən komandadan ayrılmaq istədiyi, amma Ole-Qunnar Sulşerin gəlişindən sonra xoşbəxt olduğu və karyerasını Premyer Liqa klubunda davam etdirmək istədiyi deyilir.

“Qırmızı şeytanlar”ın Reşford üçün 100 milyon avrodan aşağı təkliflərə baxmayacağı bildirilir.

“Mançester Yunayted”lə 2020-ci ilədək müqaviləsi olan 21 yaşlı futbolçu, bu mövsüm iştirak etdiyi 32 oyunda 10 qol vurub, 8 məhsuldar ötürmə edib.

Bizi Telegramda izləyin

Bizi izləyin Bizi Facebook-da izləyin

Əlaqəli yazılar

Back to top button