“Real”ın hücumçusu İtaliya klublarına təklif edilib

“Real”ın hücumçusu Endrik daha çox oynamaq üçün qış transfer pəncərəsində komandadan ayrılmağa hazırlaşır.

Braziliyalı forvard bu mövsüm hələ meydana çıxmayıb və ehtiyat oyunçu kimi qalarsa, yaxın gələcəkdə dünya çempionatında yığma komandada şans qazanmaq imkanını itirəcəyini başa düşür.

Komanda.az xarici KİV-ə istinadən xəbər verir ki, Endrik artıq İtaliyanın iki klubuna təklif edilib, ancaq hələlik həmin komandaların adları açıqlanmır.

19 yaşlı futbolçunun “Real”la müqaviləsinin müddəti 2030-cu ilə qədərdir.