“Real”ın hərəkəti iyrəncdir”

“Mançester Yunayted”in keçmiş müdafiəçisi Qari Nevill “Real”ı “qızıl top”un “Mançester Siti”nin yarımmüdafiəçisi Rodri Hernandesə təqdim edilən mükafatlandırma mərasiminə məhəl qoymadığına görə tənqid edib.

Komanda.az xarici KİV-ə istinadən xəbər verir ki, ingiltərəli keçmiş futbolçu, “kral klubu”nun hərəkətinin Rodriyə hörmətsizlik olduğunu düşünür:

“Düşünürəm ki, “Real”ın hərəkəti Rodriyə hörmətsizlikdir. Məncə, bu, tamamilə iyrəncdir! Bu, bütün dünyada hörmət edilən və yaxşı insan olan bir oyunçunun şöhrətini və diqqətini əlindən almaq cəhdi idi. Məncə, bu, ləyaqətsizlikdir!”

Oktyabrın 28-də keçirilən “qızıl top”un mükafatlandırma mərasimində ispaniyalı yarımmüdafiəçi Rodri birinci olub. “Real”ın hücumçusu Vinisius Junior isə ikinci yerə layiq görülüb.