“Real”ın futbolçusunun cəzasının müddəti bilindi

“Real”ın futbolçusu Çud Bellingem La Liqada iki oyunluq cəza alıb.

Komanda.az xəbər verir ki, buna 21 yaşlı yarımmüdafiəçinin 24-cü turda “Osasuna” ilə matçda xoşagəlməz ifadə işlətməsi səbəb olub.

İngiltərəli oyunçu fevralın 15-də keçirilən matçın 39-cu dəqiqəsində hakimi təhqir etdiyinə görə meydandan qovulub. O, oyundan sonra nalayiq sözlərdən istifadə etdiyini, lakin bunun hakimə ünvanlanmadığını bildirib.

Oyun 1:1 hesabı ilə başa çatıb.