“Oynayacağım bir yerə getmək istəyirəm” – “Real”ın futbolçusu

“Real”ın futbolçusu Xames Rodriqes “kral klubu”ndakı gələcəyiylə bağlı açıqlama verib.

Komanda.az xarici mətbuata istinadən xəbər verir ki, kolumbiyalı yarımmüdafiəçi, bunları deyib:

“Gələcəyimi mən də bilmək istəyirəm. Bəlkə günlər, bəlkə həftələr sonra bunu öyrənəcəm. Həqiqətən, bilmirəm, ancaq oynayacağım bir yerə getmək istəyirəm.

Oynamamaq adamı əsəbiləşdirir. Hazırda yaxşı oynayacaq bir səviyyədəyəm, lakin bəziləri belə düşünmür. Pis futbolçu olsam, bunu qəbul edərəm. Amma mən hər zaman qazanmaq və oynamaq istəyən bir futbolçuyam”.

“Real”la 2021-ci ilin yayına qədər müqaviləsi olan Xames, son mövsümdə 14 oyunda iştirak edib.