“Milan” “Real”dan oyunçu alır

“Real”ın futbolçusu Teo Hernandes karyerasını İtaliyada davam etdirə bilər.

Komanda.az xəbər verir ki, 21 yaşlı müdafiəçi ilə “Milan” klubu yaxından maraqlanır. Bu barədə İtaliya mətbuatı məlumat yayıb.

“Milan”ın “Real”la razılaşdığı və Hernandesi icarəyə götürəcəyi bildirilir. “Milan” müdafiəçinin “performans”ından razı qalacağı təqdirdə, 20 milyon avro qarşılığında futbolçunun transfer hüquqlarına sahib ola bilər.

2017-ci ildə “Atletiko”dan “Real”a keçən Teo, son mövsümü icarə əsasında “Real Sosyedad”da keçirib.