“Real”ın futbolçusu onu buraxmalarını xahiş edib

“Real”ın yarımmüdafiəçisi Dani Sebalyos rəhbərlikdən onu başqa komandaya buraxmağı xahiş edib.

Komanda.az xarici KİV-ə istinadən xəbər verir ki, ispaniyalı futbolçu bu yay “kral klubu”nu tərk etmək istəyir. Məsələ burasındadır ki, “Real” hələ də onun üçün heç bir təklif almayıb.

Bir il əvvəl keçmiş klubu “Betis” yarımmüdafiəçinin xidmətində maraqlı idi, amma hazırda Sebalyosun karyerasını burada davam etdirmək variantı yoxdur.

28 yaşlı futbolçu ötən mövsüm İspaniya çempionatında 20 oyun keçirib və 2 məhsuldar ötürmə verib. O, daha əvvəl “Arsenal”da çıxış edib.