“Real”ın futbolçusu klub prezidenti ilə danışacaq – Mbappe haqqında

“Real”ın yarımmüdafiəçisi Orelyen Tçuameni Fransa millisindəki komanda yoldaşı, PSJ-nin hücumçusu Kilian Mbappenin “kral klubu”na mümkün transferi barədə necə öyrəndiyini danışıb.

Komanda.az “Kanal+”ə istinadən xəbər verir ki, Tçuameni Mbappe ilə “Real”a mümkün keçidi ilə bağlı danışmadığını bildirib:

“Mbappenin “Real”a mümkün keçidindən son ana qədər xəbərim yox idi. Bir gün yatdım, oyandım, sosial medianı açdım, bir az popkorn götürdüm və mən bu xəbəri gördüm (Mbappenin “Real”a mümkün transferi haqqında).

Mən hələ Mbappe ilə bu haqda danışmamışam. Bunun doğru olub-olmadığını görmək üçün prezidentimizlə danışacam”.

25 yaşlı hücumçu bu mövsümün sonunda azad agent kimi “Real”a keçməyə yaxındır.

Mbappe 2017-ci ildən PSJ-də çıxış edir. O, bu mövsüm bütün turnirlərdə 32 oyun keçirib, 32 qol vurub və 7 məhsuldar ötürmə edib. Futbolçunun Paris klubu ilə müqaviləsi bu ilin iyun ayının sonuna kimi qüvvədədir.