“Real”ın futbolçusu keçmiş klubuna qayıdır?

“Real”ın yarımmüdafiəçisi Dani Sebalyos İspaniyanın başqa klubuna keçə bilər.

Komanda.az “Todofichajes”-ə istinadən xəbər verir ki, ispaniyalı oyunçu ilə “Betis” maraqlanır. O, 2014-2017-ci illərdə bu komandada çıxış edib.

Sebalyos 2017-ci ildən “kral klubu”nun oyunçusudur. Onun “Real”la müqaviləsinin müddəti 2027-ci ilin iyun ayının sonuna kimi hesablanıb.

28 yaşlı yarımmüdafiəçi La Liqada bu mövsüm cəmi 2 oyun keçirib və qol vura bilməyib.