“Karyeramın ən pis mövsümünü keçirdim deyə bilərəm” – Hazard

“Real”ın futbolçusu Eden Hazard İspaniya mətbuatına açıqlama verib.

Komanda.az xəbər verir ki, belçikalı yarımmüdafiəçi, “kral klubu”ndakı ilk mövsümündən danışıb:

“Bir az qəribə mövsüm idi. Komanda olaraq La Liqada çempionluq qazandıq, ancaq fərdi olaraq karyeramın ən pis mövsümünü keçirdim deyə bilərəm. La Liqada yaxşı çıxış etdik, Çempionlar Liqasında da mərhələ adlasaq, lap yaxşı olacaq”.

2019-cu ilin yayında “Çelsi”dən “Real”a keçən Hazard, “kral klubu” ilə La Liqada 16 oyunda iştirak edib və 1 qol vurub.