“Real”ın futbolçusu Ançelotti ilə işləməyə razıdır

“Everton”un “Real”ın futbolçusu Xames Rodriqesi transfer etmək istədiyini xəbər vermişdik.

Komanda.az İtaliya mətbuatına istinadən xəbər verir ki, kolumbiyalı futbolçu Mersisayd klubuna transfer olunmağa müsbət yanaşır. Rodriqesin yenidən “Everton”un baş məşqçisi Karlo Ançelotti ilə birlikdə çalışmaq istədiyi bildirilir. “Real”ın satış siyahısında olan futbolçunun cari mövsümün sonunda Premyer Liqa təmsilçisinə keçəcəyi deyilir.

Xames “Real”da 2014-2015-ci illərdə Ançelottinin rəhbərliyi altında çalışıb.

28 yaşlı futbolçunun “Real”la müqaviləsi 2021-ci ilin iyununda başa çatır.