“Real”ın hücumçusu məşqlərə başlayıb

“Real”da kadr vəziyyəti yavaş-yavaş yaxşılaşır.

Komanda.az xarici KİV-ə istinadən xəbər verir ki, qısa müddət əvvəl müdafiəçi Lukas Vaskes sıraya qayıdıb. O, UEFA Çempionlar Liqasında “Liverpul”a qarşı oyunda (0:2) ikinci hissədə əvəzetmədən meydana daxil olub.

İndi isə bu gün komanda ilə birgə məşq edən hücumçu Rodriqonun görüntüləri yayımlanıb. Hələ ki, onun bazar günü “Xetafe”yə qarşı İspaniya çempionatı matçında oynamağa hazır olub-olmayacağı məlum deyil. Lakin zədəsini sağaldan braziliyalı forvardın məşqdə iştirakı onun tezliklə tam formada komandaya qayıdacağını göstərir.

23 yaşlı hücumçu cari mövsümdə 15 oyunda iştirak edib, 3 qol vurub və 2 məhsuldar ötürmə verib.