“Belə oyunlar təkrarlanmamalıdır” – Zidan

“Real”ın baş məşqçisi Zinəddin Zidan Çempionlar Liqasının qrup mərhələsinin ilk turu çərçivəsində “Şaxtyor”a (Ukrayna) qarşı keçirdikləri oyunu şərh edib.

Komanda.az xəbər verir ki, UEFA-nın mətbuat xidmətinə danışan fransız mütəxəssis, 2:3 hesabıyla uduzduqları görüş haqda bunları deyib:

“Pis axşam oldu. Heç deyilsə, ikinci hissədə mübarizə apardıq. Futbolçularım əsəbiləşmişdi, bu da məntiqlidir. Çünki onlar çempiondurlar. Qısa zamanda bir həll yolu tapılmalıdır, bu da mənim işimdir. Belə oyunlar təkrarlanmamalıdır”.