Zidan: “Başladığımız işi tamamlamaq istəyirik”

“Real”ın baş məşqçisi Zinəddin Zidan Çempionlar Liqasının 1/4 final mərhələsinin “Liverpul”la cavab oyunundan əvvəl fikirlərini bildirib.

Komanda.az UEFA-nın saytına istinadən xəbər verir ki, fransalı mütəxəssis, matça qələbə üçün çıxacaqlarını deyib:

“Bizi necə oyunun gözlədiyini bilirik. Başladığımız işi tamamlamaq istəyirik. Cavab matçına hazırıq. Bütün diqqətimiz bu oyundadır. Məqsədimiz yarımfinala yüksəlməkdir.

Əlimizə düşən şansları dəyərləndirməliyik. “Real” hər zaman meydana qələbə qazanmaq üçün çıxır. “Liverpul” və “Barselona” ilə oyunlarda çox enerji itirdik. Ancaq yenə də maksimumuzu verməyə çalışacağıq. Yarımfinala yüksəlmək üçün daha çox mübarizə aparmalıyıq. Bizdən tələb olunan budur. Komanda olaraq bu sınağa hazırıq”.

Bu gün keçiriləcək “Liverpul” – “Real” matçı saat 23:00-da start götürəcək. Komandalar arasındakı ilk oyunda “Real” 3:1 hesablı qələbə qazanıb.