“O, mənim üçün ən yaxşı fransız hücumçudur” – Zidan

“Real”ın baş məşqçisi Zinəddin Zidan futbolçusu Kərim Benzema haqda açıqlama verib.

Komanda.az xəbər verir ki, “goal.com”a açıqlama verən fransız mütəxəssis, Benzemanı Fransa tarixinin ən yaxşı hücumçusu adlandırıb:

“Benzema indiyə kimi ən yaxşı fransız hücumçudur? Bəli, mənə görə belədir. Uzun müddətdir “Real”da oynayır və sərgilədiyi performansıyla, statistikasıyla bunu göstərir. Madrid klubunda 500-dən çox oyun keçirib, çoxlu rekordlar qırıb, titullar qazanıb. O, mənim üçün ən yaxşı fransız hücumçudur.

Benzema hazırda əvvəlkindən daha fərqli futbolçudur. O, indi təkcə qol vurmağı deyil, komandasına kömək etməyi, titul qazanmağı hədəfləyir”.