“Real”dan Mbappe ilə bağlı rəsmi açıqlama

“Real”ın mətbuat xidməti PSJ-nin hücumçusu Kilian Mbappe haqda yayılan şayiələrlə bağlı rəsmi açıqlama yayıb.

Komanda.az xəbər verir ki, klubun açıqlamasında fransalı futbolçu ilə danışıqların olmadığı bildirilib:

“Mətbuatda Kilian Mbappe ilə klubumuz arasında danışıqların aparılması ilə bağlı yayılan məlumatları nəzərə alaraq, “Real” bu xəbərin yalan olduğunu qəti şəkildə bəyan edir”.

Daha əvvəl İspaniyanın “Marca” nəşri “Real”ın paltardəyişmə otağında 24 yaşlı fransalı forvardın gələn yay Madrid klubuna keçəcəyinə inam olduğunu yazıb.