“Real”da daha bir itki

“Real”ın müdafiəçisi David Alaba zədələnib.

Komanda.az xəbər verir ki, avstriyalı futbolçu ötən gecə La Liqanın 17-ci turunda “Vilyarreal”la qarşılaşmada (4:1) sıradan çıxıb. 31 yaşlı müdafiəçinin sol dizinin ön çarpaz bağı yırtılıb. Futbolçu yaxın günlərdə əməliyyat olunacaq.

Bildirilir ki, Alaba təxminən 8 ay yaşıl meydanlardan kənarda qalacaq. Bu da o deməkdir ki, o, AÇ-2024-ü də buraxacaq. 

Hazırda “Real”ın heyətində Tibo Kurtua, Eduardo Kamavinqa, Eder Militao və Vinisius Junior da zədəlidir.