“Real”da daha bir itki

“Real”ın daha bir futbolçusu zədələnib.

Komanda.az klubun mətbuat xidmətinə istinadən xəbər verir ki, Madrid təmsilçisinin vingeri Vinisius Junior DÇ-2026-nın seçmə mərhələsinin Kolumbiya ilə matçında (1:2) sıradan çıxıb.

23 yaşlı hücumçu rəqib müdafiəçi Davinson Sançeslə mübarizə zamanı yerdə qalıb. Futbolçu oyunu davam etdirə bilməyib. Onun durumuna tibbi müayinədən sonra aydınlıq gələcək.

“Real”ın heyətində Tibo Kurtua, Arda Gülər, Eder Militao, Orelyen Tçuameni, Eduardo Kamavinqa və Çud Bellingem zədəlidir.