“Real”da “7”-nin yeni sahibi məlum oldu

Vinisius Juniorun “Real”da yeni forma nömrəsi məlum olub.

Komanda.az klubun rəsmi saytına istinadən xəbər verir ki, braziliyalı futbolçu “7” rəqəmini götürüb. Daha əvvəl bu nömrə altında “kral klubu”nu tərk edən Eden Hazard çıxış edirdi. Ondan əvvəl isə bu nömrə Kriştiano Ronaldoya məxsus idi.

Digər futbolçu Rodriqo isə Marko Asensionun gedişindən sonra boşalan “11”-i götürüb.

Vinisiusun daha əvvəl oynadığı 20 nömrə “Rayo Valyekano”dan alınan Fran Qarsiyaya verilib.