“Real” yeni müdafiəçi transfer edəcək?

“Real”ın baş məşqçisi Karlo Ançelotti mümkün mərkəz müdafiəçisi transferinə münasibət bildirib.

Komanda.az xarici KİV-ə istinadən xəbər verir ki, italiyalı mütəxəssis bu məsələdə tələsmədiklərini deyib:

“Klub daxilində yeni transferin mümkünlüyü barədə danışdıq. Biz tələsmirik. Tələsmək yoxdur. Transfer pəncərəsi yanvarın 31-də bağlanacaq. Biz bu barədə düşünürük”.

Madrid klubunun müdafiəçisi David Alaba İspaniya La Liqasının 17-ci turunda “Vilyarreal”la oyunda (4:1) zədələnib. 31 yaşlı avstriyalı futbolçuya sol dizində çarpaz bağın qopması diaqnozu qoyulub.