“Real”ın müdafiə xətti üçün “B planı” var

“Real” sağ cinah müdafiəçisi mövqeyində çətinlik yaşayır.

Komanda.az xarici KİV-ə istinadən xəbər verir ki, Madrid klubu “Liverpul”un müdafiəçisi Trent Aleksander-Arnoldu almaqda maraqlıdır. Lakin ingilis futbolçunun qış transfer pəncərəsində gəlişi çətin hesab olunur. Yanvarda onunla müqavilə imzalanmasa, baş məşqçi Karlo Ançelotti diqqətini “Kastilya”nın futbolçusu Lorenzo Aquadoya çevirəcək. İtaliyalı baş məşqçi 22 yaşlı futbolçunun bacarığını yüksək qiymətləndirir.

“Real” mövsüm ərzində çarpaz bağ zədəsi səbəbindən uzun müddət yaşıl meydanlardan kənarda qalan Daniel Karvahalı itirib. İndi tez-tez tənqid olunan Lukas Vaskes adətən müdafiənin sağ cinahında oynayır.