Mbappe “Real”a “hə” deyib

“Real” yanvarın əvvəlində PSJ-nin hücumçusu Kilian Mbappenin transferi üzərində aktiv işə başlayıb.

Komanda.az “Marca”-ya istinadən xəbər verir ki, İspaniya klubu Mbappeyə arxalana bilib-bilməyəcəyini anlamaq üçün yanvarın əvvəlində futbolçuya müraciət edib. Klub fransalı hücumçuya “Real”a qoşulmağa hazır olub-olmadığını soruşub və müsbət cavab alıb.

25 yaşlı futbolçu 2018-ci ildən PSJ-də çıxış edir. Onun Fransa klubu ilə hazırkı müqaviləsi 2024-cü ilin yayına kimi nəzərdə tutulub. Mbappe bu müddət ərzində bütün turnirlərdə 290 matçda iştirak edib, 243 qol vurub, 105 məhsuldar ötürmə edib.