“Real” üçün hər şey çətin olacaq” – “Braqa”nın futbolçusu

“Braqa”nın hücumçusu Abdel Ruiz Çempionlar Liqasında “Real”la qarşıdakı oyunla bağlı gözləntilərini bölüşüb.

Komanda.az “Mundo Deportivo”-ya istinadən xəbər verir ki, ispan futbolçu matçın çətin keçəcəyini bildirib:

“Real” üçün hər şey çətin olacaq. Onlar çox güclü komandadır və açıq-aydın matç son dərəcə gərgin keçəcək. Lakin bizim dəqiq planımız var və qələbə qazanmağa çalışacağıq. Biz çox güclü və etibarlı komandayıq. Madrid komandasına zərər verməyə, zəif nöqtələrini tapmağa çalışacağıq”.

Oktyabrın 24-də keçiriləcək Çempionlar Liqasının qrup mərhələsinin 3-cü turunun oyununda “Braqa” “Real”la qarşılaşacaq. Oyun Braqada, “Municipal di Braqa” stadionunda keçiriləcək. Görüşün start fiti saat 22:00-da səslənəcək.