“Real” tələsmir

“Real” müdafiə xəttinə yeni oyunçu almağa tələsmir.

Komanda.az “Relevo”-ya istinadən xəbər verir ki, bu, David Alabanın tezliklə Madrid komandasına qayıdacağı ilə bağlıdır. Avstriyalı müdafiəçi çoxyönlüdür və eyni anda bir neçə mövqeydə oynaya bilir.

Alaba dizinin çarpaz bağlarının zədələnməsini sağaltmaq üçün uzun müddət sərf edib. O, “kral klubu”na 2021-ci ilin yayında keçib.

32 yaşlı futbolçunun “Real”la müqaviləsi 2026-cı il iyunun sonunda başa çatacaq.