“Real” Serxio Ramosdan imtina edib

Serxio Ramos çətin vəziyyətdə “Real”a kömək etməyə hazır olduğunu bildirib.

Çapraz bağının yırtılması səbəbindən uzun müddətə sıradan çıxan Eder Militaonu itirən “kral klubu” yeni mərkəz müdafiəçisinə ehtiyac duyur.

Komanda.az “El Chiringuito”-ya istinadən xəbər verir ki, Ramos “Real”a qayıtmağa hazırdır: o, madridlilərə öz xidmətini təklif edib. Lakin “kral klubu”nun prezidenti Florentino Peres və marketinq direktoru Xose Anxel Sançes keçmiş kapitanın təklifini rədd ediblər.

38 yaşlı futbolçu yaydan bəri azad agentdir. O, ötən mövsüm “Sevilya”da çıxış edib və 2005-2021-ci illərdə “Real”ın şərəfini qoruyub.