“Real” Qutini dinləsəymiş…

“Real”ın keçmiş yarımmüdafiəçisi Quti Madrid klubunu Joao Feliksə diqqət yetirməyə çağırdığını xatırladıb.

Komanda.az “Madrid Zone”-yə istinadən xəbər verir ki, “kral klubu” ispaniyalı sabiq futbolçunun tövsiyələrinə qulaq assaymış, Feliksin karyerası tamamilə fərqli ola bilərmiş:

“Mən “Real”a 2017-ci ildə Feliksə daha yaxından baxmağı tövsiyə etmişdim. O, gənclər liqasında inanılmaz idi”.

Portuqaliyalı forvard 2018/19 mövsümündə “Benfika”nın əsas komandasında özünü göstərib, bundan sonra “Atletiko” yüksəlişdə olan oyunçunu 127 milyon avroya alıb.

24 yaşlı futbolçu İspaniyada heç vaxt potensialını reallaşdıra bilmədi və onun “Çelsi”yə keçidinin tezliklə baş tutacağı gözlənilir.