“Real” “Tottenhem”in müdafiəçisini almayacaq – Qiymətinə görə

“Tottenhem”in müdafiəçisi Pedro Porro “Real”a keçməyəcək.

Komanda.az AS-a istinadən xəbər verir ki, Madrid klubu yüksək qiymət etiketinə görə Porro üçün mübarizə aparmayacaq. “Tottenhem” əsas oyunçusu ilə 70 milyon avrodan aşağı qiymətə ayrılmaq fikrində deyil.

“Kral klubu” “Liverpul”un müdafiəçisi Trent Aleksander-Arnolda üstünlük verir, çünki ingilis futbolçu ilə pulsuz müqavilə bağlana bilər.

25 yaşlı Porro 2023-cü ildə təxminən 40 milyon avroya Lissabon “Sportinq”indən “Tottenhem”ə keçmişdi. O, bu mövsüm 13 matçda iştirak edib, 1 qol vurub və 2 məhsuldar ötürmə verib.

İspaniyalı müdafiəçinin “Tottenhem”lə müqaviləsi 30 iyun 2028-ci ilə qədərdir.