“Real” oyun sxemini dəyişəcək

“Real” yeni mövsümdə hücumda Vinisius Junior və Rodriqo ilə 4-3-1-2 sxemi ilə oynayacaq.

Komanda.az AS nəşrinə istinadən xəbər verir ki, baş məşqçi Karlo Ançelottinin verdiyi qərar hücumçu Kərim Benzemanın gedişi ilə bağlıdır.

Fransalı forvardın “Əl-İttihad”a keçidindən sonra “kral klubu” əsas mərkəz hücumçusunun transferindən imtina edib.

Yeni sxemdə hücumçuların arxasında “Borussiya”dan (Dortmund) transfer olunan Çud Bellingem olacaq.

Əvvəllər Ançelottinin komandası 4-3-3 sxemi ilə oynayırdı.