“Real” “Liverpul”a 25 milyon avro təklif edir – İngiltərəli futbolçu üçün

“Real” rəhbərliyi qışda “Liverpul”un müdafiəçisi Trent Aleksander-Arnoldun transferini başa çatdırmaq istəyir.

Komanda.az “Marca”-ya istinadən xəbər verir ki, “kral klubu” ingiltərəli futbolçunun təcili transferi üçün mersisaydlılara 25 milyon avro təklif edir.

“Real” “Liverpul”la müqaviləsi başa çatdıqdan sonra, onu azad agent kimi əldə edə biləcəyi 2025-ci ilin yayına qədər gözləməkdən çəkinir.

26 yaşlı müdafiəçi bu mövsüm “qırmızılar”ın heyətində bütün turnirlərdə 23 oyuna çıxıb, 1 qol vurub və 5 məhsuldar ötürmə edib.