“Real” “Betis”in təklifini rədd edib

“Real” Dani Sebalyosu onu geri qaytarmağa ciddi maraq göstərən “Betis”ə buraxmayacaq.

Komanda.az xəbər verir ki, bu barədə “sport.es” nəşri məlumat yayıb.

“Betis” ispaniyalı yarımmüdafiəçinin transferi ilə bağlı müraciət etsə də, rədd cavabı alıb. Buna səbəb “kral klubu”nun öz şərtləri ilə 28 yaşlı oyunçunun yalnız birbaşa satışını nəzərdən keçirməyə hazır olması və “yaşıl-ağlar”ın qış transfer pəncərəsində belə bir sözləşməni başa çatdıra bilməyəcəyidir.

Sebalyos cari mövsümdə bütün turnirlərdə 15 oyun keçirib. Onun “Real”la hazırkı müqaviləsi 2027-ci ilin yayına qədərdir.