“Real” Niderland millisinin üzvünə göz dikib

Niderland millisinin və “Milan”ın yarımmüdafiəçisi Ticani Reyncers karyerasını İspaniya çempionatının top-klubunda davam etdirə bilər.

Komanda.az “Todofichajes”-ə istinadən xəbər verir ki, 25 yaşlı futbolçunun xidmətində “Real” maraqlıdır. “Kral klubu” Reyncersi Coşua Kimmixə alternativ kimi nəzərdən keçirir.

“Bayern”in futbolçusunun transferi baş tutsa, ispanlar diqqətini niderlandlı futbolçuya yönəldəcək.

Reyncers ötən yaydan “Milan”da çıxış edir. Tərəflər arasındakı müqavilə 2028-ci ilə qədər nəzərdə tutulub. Onun transfer dəyəri 30 milyon avro qiymətləndirilir.