“Real” “Mançester Siti”nin futbolçusuna göz dikib

İspaniya millisinin və “Mançester Siti”nin yarımmüdafiəçisi Rodri Hernandes karyerasını La Liqada davam etdirə bilər.

Komanda.az “Diario AS”-a istinadən xəbər verir ki, ispaniyalı futbolçu ilə “Real” maraqlanır. “Kral klubu”nun rəhbərliyi gələn il onunla müqavilə imzalamaq imkanını nəzərdən keçirir.

Rodrinin hazırkı transfer dəyəri 130 milyon avro qiymətləndirilir. Onun “şəhərlilər”lə müqaviləsi 2027-ci ilin ortalarına qədərdir.

28 yaşlı futbolçu ötən mövsüm 50 matçda iştirak edib, 9 qol vurub, 14 məhsuldar ötürmə verib.