Benzema: “Mbappe qol vurmalıdır!”

“Real”ın keçmiş hücumçusu Kərim Benzema Kilian Mbappenin komandadakı mövqeyi barədə fikirlərini bildirib.

Komanda.az “El Chiringuito TV”-yə istinadən xəbər verir ki, fransalı futbolçu, Mbappenin matçlarda yaxşı təsir bağışlamalı olduğunu deyib:

“Mbappe bilir ki, “Real”da inanılmaz təzyiq var. İki və ya üç matçı qolsuz keçirsən, səni öldürməyə hazır olacaqlar. “Qızıl top”u qazanıb növbəti üç oyunda qol vurmursansa, bu, eyni şeydir. Onunla yaşamağı öyrənməlidir. O, matçlarda yaxşı təsir bağışlamalıdır. Hər oyun yeni bir hekayədir və Mbappe qol vurmalıdır! Çünki “Real” onunla yalnız bunun üçün müqavilə imzalayıb”.

25 yaşlı forvard cari mövsüm başlamazdan əvvəl “Real”a azad agent kimi PSJ-dən keçib.