“Real” Mbappedən imtina edib – 3 səbəbə görə

“Real” PSJ-nin hücumçusu Kilian Mbappeni transfer etməyəcək.

Komanda.az “Marca”ya istinadən xəbər verir ki, fransalı forvard Paris klubu ilə müqaviləsini yeniləməsə belə, “kral klubu”nun rəhbərliyi onu heyətinə qatmayacaq.

Bunun isə üç səbəbi var. Birincisi, futbolçunun maaşı və yüksək transfer bonusudur. İkincisi, Mbappenin gəlişi gənc futbolçularla aktiv şəkildə müqavilə bağlayan klubun transfer siyasəti ilə ziddiyyət təşkil edəcək.

Ən sonuncu məqam isə Mbappenin iki il öncə son anda “Real”ın təklifindən imtina edərək PSJ-ni seçməsidir.

24 yaşlı futbolçunun Fransa nəhəngi ilə müqaviləsi 2024-cü il iyunun 30-da başa çatacaq.