“Real” portuqaliyalı müdafiəçi ilə maraqlanır

“Mançester Yunayted”in müdafiəçisi Dioqo Dalot karyerasını İspaniyanın top klubunda davam etdirə bilər.

Komanda.az “Relevo”-ya istinadən xəbər verir ki, “Real” portuqaliyalı futbolçu ilə maraqlanır. Madrid klubu müdafiəçi üçün artıq müraciət edib və transfer qiymətinin 50 milyon avro civarında ola biləcəyi gözlənilir.

Dalot 2018-ci ildə “Portu”dan “Mançester Yunayted”ə keçib. 25 yaşlı futbolçu İngiltərə Premyer Liqasının bu mövsümündə 13 matçda iştirak edib və 1 məhsuldar ötürmə verib. Onun “qırmızı şeytanlar”la müqaviləsi 2028-ci il iyunun 30-na qədərdir və daha bir mövsüm uzadılması mümkündür.