“Real”dan Kroosa təklif

“Real” rəhbərliyi yarımmüdafiəçi Toni Kroosu komandada saxlamaq istəyir.

Komanda.az AS nəşrinə istinadən xəbər verir ki, Madrid klubu futbolçuya əməkdaşlığın bir mövsüm uzadılmasını təklif edib. Kroos hələ son qərarını verməyib, lakin klub yarımmüdafiəçinin təklifi qəbul edəcəyinə ümid edir.

34 yaşlı futbolçu 2014-cü ildən “Real”da çıxış edir. O, İspaniya çempionatının bu mövsümündə 31 oyun keçirib, 1 qol vurub və 7 məhsuldar ötürmə edib.