Zidan onu istəmir – Satılacaq

“Real” klubu futbolçusu Serxio Reqilonu satmağa hazırlaşır.

Komanda.az xəbər verir ki, bu barədə İspaniyanın “As” nəşri məlumat yayıb. Baş məşqçi Zinəddin Zidanın gələcək planlarında yer almayan 22 yaşlı müdafiəçi satılacaq.

“Real”la 2020-ci ilə qədər müqaviləsi olan Reqilonun transfer dəyəri 15 milyon avrodur. İspaniyalı sol cinah müdafiəçisi “kral klubu”nun öz yetirməsidir.