“Real”da növbəti itki

“Real” klubu ciddi itkiylə üzləşib.

Komanda.az xəbər verir ki, Madrid təmsilçisinin futbolçusu Dani Karvahal sıradan çıxıb. Bu barədə İspaniya mətbuatı məlumat yayıb. Müdafiəçi “Real”ın La Liqanın 23-cü turunda “Valensiya”ya qarşı keçirdiyi oyunda (2:0) zədələnib.

Karvahalın son durumu tibbi müayinədən sonra bilinəcək. 29 yaşlı futbolçunun La Liqanın 24-cü turunun “Valyadolid”lə səfər matçını buraxacağı dəqiqdir.

“Real”da Karvahalla yanaşı, Serxio Ramos, Marselo, Rodriqo, Federiko Valverde, Eder Militao, Alvaro Odriosola da zədəlidir.

“Valyadolid” – “Real” matçı fevralın 21-də keçiriləcək.