“Real” kimi böyük komandalara qol vurmaq həmişə xoşdur”

UEFA Çempionlar Liqasında liqa mərhələsinin 5-ci turunun oyunları keçirilib.

“Real”la oyunun ikinci yarısında fərqlənən “Liverpul”un yarımmüdafiəçisi Aleksis Makallister matçın oyunçusu seçilib.

Komanda.az “TNT Sports”-a istinadən xəbər verir ki, argentinalı futbolçu oyunun gedişatı ilə bağlı fikirlərini bölüşüb:

“Real” kimi böyük komandalara qol vurmaq həmişə xoşdur. Və qalib gəlmək daha vacibdir. Biz üstünlük təşkil etdik. Hər kəs komanda üçün əlindən gələni edir. Eyni ruhda davam etməyə çalışacağıq”.

“Liverpul” Çempionlar Liqasında keçirdiyi 5 oyunun hamısında qalib gəlib və 15 xalla liqa mərhələsinin turnir cədvəlinə başçılıq edir.