“Real” keçmiş futbolçusunu geri qaytarmaq istəyir

“Mançester Yunayted”in müdafiəçisi Rafael Varan “Real”a keçə bilər.

Komanda.az xarici KİV-ə istinadən xəbər verir ki, Madrid klubu David Alaba zədələndiyi üçün keçmiş müdafiəçisinin xidmətində maraqlıdır. Avstriya millisinin oyunçusunun sol dizinin ön çarpaz bağı yırtılıb və mövsümün qalan hissəsini buraxacaq.

Varan 2011-2021-ci illərdə “Real”da çıxış edib. Fransalı futbolçu 2021-ci ilin yayından “Mançester Yunayted”də çıxış edir. Onun klubla müqaviləsi 30 iyun 2025-ci ilə qədərdir.

30 yaşlı Varan bu mövsüm komandanın heyətində bütün yarışlarda 14 oyun keçirib və 1 qol vurub.