“Real” futbolçularının dolablarını hərraca çıxaracaq

“Real”ın “Santyaqo Bernabeu” stadionu bu yaxınlarda təmir olunub.

Komanda.az xarici KİV-ə istinadən xəbər verir ki, Madrid klubu əşyaların bir hissəsini hərracda satmaq niyyətindədir. Bunların arasında Kriştiano Ronaldo, Devid Bekhem, Zinəddin Zidan, Serxio Ramos, Kərim Benzema, Luka Modriç də daxil olmaqla, bəzi keçmiş və indiki futbolçuların istifadə etdiyi 24 dolab kolleksiyası var. Bir dolabın başlanğıc qiyməti 10 min funt-sterlinqdir.

Kolleksiyada “Real”ın gerbi olan mozaika da var və onun başlanğıc qiyməti 12 min funt-sterlinqdir. Hərracda əvvəllər stadionda olan metal qapılar da satılacaq.

Tender noyabrın 12-də başlayacaq.