ÇL: “Biz hələ də favoritlərdən biriyik”

“Real”ın qapıçısı Tibo Kurtua Madrid klubunun hazırkı UEFA Çempionlar Liqasındakı perspektivlərindən danışıb.

Komanda.az AS nəşrinə istinadən xəbər verir ki, o, komandasının hər şeyə rəğmən, qələbə qazandığını söyləyib:

“Pis matçlara baxmayaraq, “Real” həmişə Avropanın ən yaxşı komandalarını məğlub edə bilir. Qarşıda daha bir matçımız var, Liqa mərhələsini ilk 8-likdə başa vurmaq çətin olacaq. Çempionlar Liqası çətin turnirdir. Biz hələ də favoritlərdən biriyik”.

“Real” Çempionlar Liqasının ümumi mərhələsinin son turunda səfərdə “Brest”lə qarşılaşacaq. Qarşılaşma bu gün keçiriləcək.