ÇL: “Real” Çempionlar Liqasını qazanmağa əsas namizəddir”

“Real”ın baş məşqçisi Karlo Ançelotti komandasının Avropanın ən nüfuzlu klub turnirindəki hədəflərindən danışıb.

Komanda.az “Marca”-ya istinadən xəbər verir ki, italiyalı mütəxəssis Madrid təmsilçisinin hər zaman bu turnirin qalibi olmaq üçün mübarizə apardığını deyib:

“Real” böyük tarixinə görə Çempionlar Liqasını qazanmağa əsas namizəddir. Biz həmişə ÇL-in qalibi olmaq üçün mübarizə aparırıq. Qrup olaraq yaxşı çıxış etdik. Bəli, bu turnirdə qalib gəlmək həmişə çətindir, lakin bizdə sona qədər mübarizə aparmaq və rəqabətədavamlı olmaq üçün lazımi keyfiyyətlər var”.

“Real” bu mövsüm Çempionlar Liqasının pley-off mərhələsinə vəsiqəni təmin edib.  Ançelottinin komandası 5 turdan sonra maksimum – 15 xal toplayıb. Qrup mərhələsinin son oyununda “Real” səfərdə “Union” ilə qarşılaşacaq. Oyun sabah keçiriləcək.